«Арсенал» ва Франция терма жамоасининг собиқ ҳужумчиси Тьерри Анри «Бавария» вингери Майкл Олисенинг ўйинига баҳо берди.

«Майкл – бошқаларга ўхшамайдиган футболчи. Унга микрофон беришганда уятчан бўлиб кўриниши мумкин, аммо унда ўзига хос фикрлаш тарзи, ҳаётга нисбатан алоҳида қараш бор. Худди ўйинга бўлган қараши каби.

У тўпни қабул қилганда, жуда кам сонли инсонлар кўра оладиган нарсани кўради. У ўйинни бошқача кўради. Кўпинча у ўйинни мияси билан ҳис қилади. У ўйинга кўзлари билан қарамайди. У тўп дарвозабондан чиқиб кетганда нима содир бўлиши мумкинлигини тасаввур қилишга ҳаракат қилади.

У дриблинг ишлата олади, буни ҳаммамиз биламиз. Лекин унинг ўйинга ва ҳаётга бўлган қараши ўзгача. Шу сабабли майдондан ташқарида одамлар баъзан уни тушунишмайди. Аммо у ёқимли йигит, ажойиб инсон. Майдондан ташқарида у кўп гапирмайди, лекин тўп унинг ихтиёрида бўлганда, у ўз ўйини билан жуда яхши «гапиради», – деди Анри.