«Бавария»нинг колумбиялик ҳужумчиси Луис Диас ўзининг ҳозирги спорт формаси ҳақида фикрлари билан ўртоқлашди.
«Бавария»га қўшилиш қарори тўғри эди. Мен чиндан ҳам бахтлиман ва ҳар бир ўйиндан завқ олмоқдаман. Ўзимни ажойиб ҳис қиляпман, яхши спорт формасидаман ва бу жамоага ёрдам беришга тайёр эканлигимни англатади. Бизда жуда жипслашган жамоа бор», — дея Диаснинг сўзларини ESPN Colombia келтирмоқда.
Диас ёзги трансфер ойнасида «Ливерпуль»дан «Бавария» футболчисига айланган эди. Мюнхенликлар таркибида 29 ёшли футболчи барча турнирларда 40 та ўйинда майдонга тушиб, 23 бор рақиблар дарвозасини ишғол қилди ва 18 та голли узатмани амалга оширди.
