Мадриднинг "Атлетико" жамоаси устози Диего Симеоне "Камп Ноу"да қозонилган 2:0 ҳисобидаги ғалаба "Барселона"га қарши бўлиб ўтадиган жавоб учрашуви олдидан унинг жамоасига ҳеч нарсани кафолатламаслигини таъкидлади.
"Матрасчилар" 44-дақиқадан бошлаб бир киши кўп бўлиб ўйнашди ва Хулиан Альварес ҳамда Александр Сёрлотнинг голлари эвазига сон жиҳатдан устунликдан унумли фойдаланиб, жавобсиз иккита тўп киритишга муваффақ бўлишди.
"Биз ярим финалдамизми? Йўқ. "Барселона" жуда кучли ва биз рақибнинг қанчалик маҳоратли эканини тан олиш учун етарлича камтармиз. Биз юқори мотивация билан майдонга тушамиз ва ўз мухлисларимиз қаршисида бор кучимизни ишга соламиз", – деди Симеоне ўз интервьюсида.
Қарама-қаршиликнинг ҳал қилувчи баҳси 14 апрель куни бўлиб ўтади.
