"Барселона" вингери Маркус Рэшфорд Чемпионлар лигаси чорак финали доирасида Мадриднинг "Атлетико" жамоасига қарши кечган ўйинда (0:2) ҳакам қўпол хатога йўл қўйган деб ҳисоблайди.
Дарвозабон Хуан Муссо тўпни ўйинга киритиб бўлган вазиятда, ҳимоячи Марк Пубиль жарима майдончаси ичида тўпни қўли билан тўғирлаб қўйди. Ушбу ҳолат "кўк-анорранглилар"нинг кескин эътирозларига сабаб бўлди, бироқ арбитр пенальти белгиламади.
"Бу аниқ пенальти эди. Бундай вазиятларда доимо пенальти белгиланади", – деди Рэшфорд CBS Sports телеканалига берган интервьюсида.
Ўша вазиятда каталонияликлар аллақачон бир киши кам бўлиб қолишган ва 0:1 ҳисобида имкониятни бой беришаётган эди. Қолган вақт ичида меҳмонлар яна бир бор гол уришди ва "Камп Ноу"да ғалабани қўлга киритишди.
