«Барселона» ҳимоячиси Рональд Араухо жамоасининг Чемпионлар лигаси доирасида Мадриднинг «Атлетико» клубига қарши ўйинда гол ура олмагани ҳақида гапирди.
«Камп Ноу»да бўлиб ўтган дастлабки чорак финал баҳси каталонияликларнинг 0:2 ҳисобидаги мағлубияти билан якунланди.
«Тўп дарвозага киришни истамаса, бу одамда тушкунлик уйғотади. Ҳатто ўйин бошида Рэшфордда имконият бўлганди, шунингдек, бизда яна икки ёки учта вазият юзага келди. Агар ҳеч бўлмаса битта вазиятдан унумли фойдаланганимизда, ўйин ўзгариб кетган бўларди. Аммо бу содир бўлмади. Биз ҳисобни тенглаштириш учун охиригача гол изладик, лекин буни уддалай олмадик», — дея Араухонинг сўзларини келтирмоқда Barça Universal.
