«Тоттенхэм» клуби «Манчестер Сити» дарвозабони Жеймс Траффорд атрофидаги вазиятни кузатиб бормоқда, деб хабар бермоқда The Sun нашри.
Жанлуижи Доннарумманинг ўринбосари ролига рози бўлмаётган Траффорд клубни тарк этиш ҳақида жиддий ўйламоқда. «Тоттенхэм» эса ушбу футболчига ўз таклифини беришга тайёр. Кутилишича, «шпорлар» жорий мавсум якунида ўзларининг асосий посбони Гульельмо Викарио билан хайрлашишади.
Шунингдек, 23 ёшли инглиз дарвозабонига «Ньюкасл» ва «Астон Вилла» жамоалари томонидан ҳам қизиқишлар билдирилмоқда.
