«Манчестер Юнайтед» ярим ҳимоячиси Бруну Фернандеш Англиядаги ҳаёти ҳақида гапириб берди.
Португалиялик футболчи 2020 йилнинг бошидан бери «қизил иблислар» шарафини ҳимоя қилиб келмоқда ва турли миш-мишларга қарамай, жамоани тарк этишга шошилмаяпти.
«Манчестер мен учун ва фарзандларим учун ҳақиқий уйга айланди. Болаларим ўзларини қулай ҳис қилаётган жойда бўлиш мен учун жуда муҳим. Фарзандларим маҳаллий акцент билан инглиз тилида гапираётганини эшитмагунимча, ўзимни манчестерликдек ҳис қилиб юрардим. Ўша лаҳзада мендаги акцент уларникидек кучли эмаслигини тушуниб етдим», — дея Фернандешнинг сўзларини келтирмоқда UtdDistrict.
Сардорнинг «МЮ» билан шартномаси 2027 йилнинг ёзига қадар мўлжалланган бўлиб, унда келишувни автоматик тарзда яна бир йилга узайтириш имконияти ҳам мавжуд.
