Германиянинг «РБ Лейпциг» клубига тегишли бўлган ҳимоячи Кастелло Люкеба Англия Премьер-лигасининг топ-клубларидан бирида пайдо бўлиши мумкин, деб хабар бермоқда Teamtalk.
Манбанинг маълумотларига кўра, футболчининг хизматларига «Манчестер Юнайтед», «Ливерпуль», шунингдек, Лондоннинг «Арсенал» ва «Челси» клублари қизиқиш билдирмоқда. Мерсисайдликлар 23 ёшли Люкебани тажрибали нидерландиялик Виржил ван Дейкнинг ўринбосари сифатида кўришмоқда.
Кастеллонинг трансфер нархи 45 миллион еврога баҳоланмоқда. Ҳимоячининг «РБ Лейпциг» билан амалдаги меҳнат шартномаси 2029 йилнинг ёзида якунига етади.
Жорий мавсумда Лукеба 26 та учрашувда майдонга тушиб, ўз ҳисобига битта гол ва битта голли узатмани ёздириб қўйди.
