Бирмингемнинг «Астон Вилла» клуби вингери Морган Рожерс трансфер бозорида катта талабга эга бўлиб турибди. Бу ҳақда Times Sport журналистлари хабар бермоқда.
Манбанинг маълумотларига кўра, 23 ёшли инглиз футболчиси Мюнхеннинг «Бавария» клуби қизиқишлари доирасига тушган. Германия топ-клуби ушбу футболчи учун курашда «Арсенал», «Челси», «Манчестер Юнайтед» ва «ПСЖ» билан рақобатлашиши мумкин.
Рожерснинг нархи Transfermarkt портали томонидан 80 миллион еврога баҳоланмоқда. Футболчининг «Астон Вилла» билан тузган меҳнат шартномаси 2031 йил июнь ойи охирида якунига етади.
Англия Премьер-лигасининг жорий мавсумида Морган 31 та учрашувда майдонга тушиб, ўз ҳисобига 8 та гол ва 5 та голли узатмани ёздириб қўйди.
