«Челси» ярим ҳимоячиси Энцо Фернандеснинг агенти Хавьер Пасторе томонлар ўзаро келишиб олганини маълум қилди.

Бундан аввалроқ, аргентиналик футболчи Мадридга кўчиб ўтиш истаги ҳақида берган интервьюси сабабли асосий жамоа машғулотларидан четлатилган эди.

«Биз «Челси» билан бир тўлқиндамиз. Кеча ярашиб олдик. Аслини олганда, ҳеч қачон ҳеч қандай муаммо бўлмаган. Биз вазиятга ойдинлик киритдик холос», — дея агентнинг сўзларини келтиради Top Mercato.

Пасторенинг таъкидлашича, Энцонинг гаплари «Челси» учун муаммо туғдиришга қаратилмаган эди. Энцо — жамоа сардори ва етакчиларидан бири, у мавсумни юқори даражада ўтказмоқда, дея хулоса қилди агент.

Жорий мавсумда 25 ёшли Фернандес барча мусобақаларни ҳисобга олганда 46 та учрашувда майдонга тушиб, 12 та гол урди ва 6 та голли узатмага муаллифлик қилди.