"Атлетико Мадрид" спорт директори Матеу Алемани "Барселона" ярим ҳимоячиси Марк Бернал вакили билан музокаралар ўтказди. Бу ҳақда Diario АС хабар бермоқда.
Манбага кўра, айни дамда "матрасчилар" катта салоҳиятга эга ёш футболчиларни қидирмоқда. Қайд этилишича, клуб 18 ёшли Бернални юқори баҳолайди.
Жорий мавсумда Бернал барча мусобақаларни ҳисобга олган ҳолда 28 та ўйинда иштирок этиб, 5 та гол урди ва 1 та голли узатмани амалга оширди.
Ярим ҳимоячининг "Барселона" билан шартномаси 2029 йилгача мўлжалланган. Transfermarkt мутахассислари испанияликнинг нархини 30 миллион еврога баҳоламоқда.
