«Барселона» ҳимоячиси Жоау Канселу ижара шартномаси муддати тугаганидан кейин ҳам клубда қолиши мумкин. Португалиялик футболчи ҳали ҳам «Ал-Ҳилол»га тегишли бўлса-да, Topskills Sports UK маълумотларига кўра, Каталония гранди вакиллари агент Жорже Мендешга футболчини олиб қолиш ниятида эканликларини маълум қилишган. Канселунинг ўзи ҳам «Барса»да қолишни астойдил истамоқда — у клубнинг ашаддий мухлиси ва Каталонияда ўзини бахтли ҳис қилмоқда.
«Кўк-анорранглилар» аллақачон «Ал-Ҳилол» билан музокараларни бошлаб юборишган, ҳозирча улар фақат оғзаки кўринишда олиб борилмоқда. 31 ёшли футболчининг Саудия клуби билан амалдаги шартномаси келаси йилнинг ўрталарида ниҳоясига етади. Transfermarkt портали унинг бозор қийматини 9 миллион еврога баҳоламоқда.
