«Челси» ёзда навбатдаги мураббий ўзгаришига қўл уриши мумкин. The Touchline нашрининг L’Equipeга таяниб хабар беришича, агар Лондон клуби Чемпионлар лигаси йўлланмасини қўлга кирита олмаса, Лиам Росеньор истеъфога чиқарилиши мумкин.
Ҳозирда «Челси» турнир жадвалининг олтинчи поғонасида бормоқда. Шунга қарамай, Премьер-лиганинг бешинчи ўрини ҳам яқинда Чемпионлар лигасига йўлланма берувчи поғонага айланди. Гап шундаки, АПЛ 2025/2026 йилги мавсум якунларига кўра энг яхши клуб коэффициентига эга икки давлатдан бири бўлиши кафолатлангани сабабли қўшимча йўлланмага эга бўлди.
«Челси» бешинчи ўриндаги «Ливерпуль»дан бор-йўғи бир очкога ортда қолмоқда. Якшанба, 12 апрель куни «аристократлар» ўз майдонида «Манчестер Сити»ни қабул қилади.
