Мадриднинг «Атлетико» клуби бош мураббийи Диего Симеоне жамоа дарвозабони Ян Облак қачон жароҳатидан фориғ бўлиб, таркибга қайтиши ҳақида маълумот берди.

«У ҳозирча бизга қўшилишга тайёр эмас. Лекин буни жуда хоҳлаяпти; биз у билан яхшилаб гаплашиб олдик. У жамоа учун жуда муҳим ўйинчи, биз унга муҳтожмиз. Умид қиламизки, у сешанба куни жамоа билан машғулотларга киришишга тайёр бўлади», — дея Симеоненинг сўзларини келтирмоқда AS.

Эслатиб ўтамиз, дарвозабон Ла Лиганинг 28-тури доирасидаги «Хетафе»га қарши ўйин (1:0) олдидан мушакларини чўзиб олган эди.

Жорий мавсумда Облак клуб сафида барча мусобақаларда 37 та учрашувда майдонга тушиб, ўз дарвозасидан 47 та тўп олиб чиқди, шунингдек, битта голли узатмани амалга оширди.