Жума куни «Реал» ўз мухлисларини яна бир бор хафа қилди. Испания чемпионати доирасида «Жирона»га қарши кечган уй учрашувида Альваро Арбелоа шогирдлари фақат дурангга эриша олдилар. Голларсиз ўтган биринчи бўлимдан сўнг, жамоалар танаффусдан кейин голлар билан алмашишди (1:1) — Федерико Вальверде ва Тома Лемар ўз номини таблога ёздириб қўйди.
Бунинг натижасида, шанба куни пешқадам «Барселона» Ла Лигадаги фарқни 9 очкогача етказиб олиш имкониятига эга бўлади. Агар Ханс-Дитер Флик жамоаси ўз майдонида «Эспаньол»га қарши кечадиган дербида ғалаба қозонса, фарқ айнан шунчани ташкил этади.
«Барселона» — «Эспаньол» учрашуви 11 апрель куни Тошкент вақти билан соат 21:30 да старт олади.
