«Монако»да ижара асосида тўп сураётган ҳужумчи Ансу Фати мавсум якунланганидан кейин «Барселона»га қайтмаслиги мумкин.
Лига 1 клуби 23 ёшли футболчини «кўк-анорранглилар»дан жорий мавсум охиригача ижарага олган эди. Topskills Sports UK нашрининг хабар беришича, монегасклар раҳбарияти Фатининг трансферини тўлиқ сотиб олиш ниятида. Шартномада кўрсатилган 11 миллион евролик сотиб олиш банди катта эҳтимол билан фаоллаштирилади.
Ансу Фати жорий мавсумда «Монако» сафида 25 та ўйинда майдонга тушиб, 9 та голни ўз ҳисобига ёздириб қўйди. Таъкидлаш жоизки, испаниялик футболчи бор-йўғи ўнта учрашувни асосий таркибда бошлаган.













