Лондоннинг «Челси» клуби ёзги трансфер ойнасида ҳимоя марказини кучайтиришни режалаштирган.

Guardian нашрининг хабар беришича, «кўклар»нинг шорт-листида «Ноттингем Форест» юлдузи Мурилло юқори ўринни эгаллаб турибди, шунингдек, «Брайтон» аъзоси Ян-Поль ван Хекке ҳам пойтахт клубида қизиқиш уйғотган. «Челси» раҳбарияти янги марказий ҳимоячи билан шартнома имзолаш учун жиддий маблағ ажратишга тайёр.

Машҳур Transfermarkt портали экспертлари 25 ёшли Муриллонинг бозор қийматини 50 миллион еврога баҳоламоқда. 25 ёшли ван Хеккенинг нархи эса 35 миллион еврони ташкил этади.

Лиам Росеньор бошчилигидаги жамоа 31-турдан сўнг Англия Премьер-лигаси турнир жадвалида олтинчи ўринда бормоқда.