"Барселона" ҳужумчиси Ламин Ямал жиддий жароҳатдан қутулиб қолди. Бу ҳақда Barça Universal нашри хабар бермоқда.
Аввалроқ 18 ёшли футболчи машғулотларни вақтидан олдин тарк этгани маълум бўлган эди. Бироқ, манба берган маълумотларга кўра, тиббий кўрикдан сўнг Ямалда ҳеч қандай жароҳат аниқланмаган. Вингернинг "Эспаньол"га қарши бўлажак ўйинда иштирок этиши ҳозирча номаълум. Эҳтимол, Ханси Флик Ямалга дам беришга қарор қилар.
Жорий мавсумда Ямал барча турнирларда 42 та ўйинда майдонга тушиб, 21 та гол урди ва 16 та голли узатма муаллифига айланди.
Испания чемпионатининг 31-тури доирасидаги "Барселона" ва "Эспаньол" ўртасидаги баҳс 11 апрель куни бўлиб ўтади. Ўйин Тошкент вақти билан соат 21:30 да бошланади.
