"Бавария" кузатув кенгаши аъзоси Карл-Хайнц Румменигге Чемпионлар лигаси чорак финали доирасида Мадриднинг "Реал" жамоасига қарши кечган дастлабки ўйинда (2:1) дарвозабон Мануэль Нойернинг кўрсатган ўйинини алоҳида эътироф этди.
"Дарвозада ҳақиқий гигант турди. Мен учун Мануэль Нойер — клубнинг сўнгги 15-20 йил ичидаги энг муҳим трансферидир.
Нойер билан ўтган шу 15 йил ичида футболда ютиш мумкин бўлган барча совринларни қўлга киритганимиз бежиз эмас", — деди Карл-Хайнц Румменигге.
Эслатиб ўтамиз, Нойер 2011 йилда "Шальке" клубидан "Бавария"га келиб қўшилган эди.
