Италия А Сериясининг 32-тури доирасида "Милан" ўз майдонида "Удинезе" жамоасини қабул қилди ва 0:3 ҳисобида имкониятни бой берди.

Меҳмонлар сафида Юрген Эккеленкамп (37-дақиқа) ва Артур Атта (71-дақиқа) ўз ҳисобига гол ёздириб қўйишди. Яна бир гол "Милан" ҳимоячиси Давиде Бартезаги (27-дақиқа) томонидан ўз дарвозасига йўлланди.

Массимилиано Аллегри бошчилигидаги "Милан" (63 очко) турнир жадвалида учинчи ўринда қолмоқда. Қайд этиш жоизки, "россонерилар" сўнгги тўртта ўйиннинг учтасида мағлубиятга учрашди. Бундан аввал жамоа "Лацио" (0:1) ва "Наполи"га (0:1) ютқазиб, фақат "Торино" устидан (3:2) ғалаба қозонган эди.

"Удинезе" эса ушбу ғалабадан сўнг 43 очко билан 10-ўринга кўтарилиб олди.