Лондоннинг "Арсенал" жамоаси бош мураббийи Микель Артета Англия Премьер-лигаси 32-турида "Борнмут"га қарши кутилмаган мағлубиятдан (1:2) сўнг мухлисларга мурожаат қилди.

«Узр сўраш, буни қабул қилиш ва олдинга интилиш — ҳаммаси шу. Мен клуб учун қўлимдан келган барча ишни қилишга, ўйинчилар учун энг яхши шароитларни яратишга ҳаракат қиламан. Ва биламанки, агар стадиондаги муҳит, мухлислар, қўллаб-қувватлаш ва энергия дунёдаги энг яхшиси бўлса, бизнинг имкониятларимиз анча ошади. Бундай қўллаб-қувватлаш билан ўйнашдан яхшироқ усул бор, деб ўйламайман. Лекин биз ҳам жавоб қайтаришимиз керак.

Биринчи бўлимда буни уддалаган пайтларимиз бўлди, аммо айрим дақиқаларда ўз даражамизни кўрсата олмадик. Шунинг учун мухлислардан узр сўрашимиз ва албатта, ўйинимизни яхшилашимиз керак», — дея Артета сўзларини клуб расмий сайти келтиради.

Ҳозирги ҳолатга кўра, «Арсенал» 70 очко билан турнир жадвалида пешқадам бўлиб турибди. «Борнмут» 45 очко билан 9-ўринга кўтарилди. Иккинчи ўринда "Манчестер Сити" (61 очко) бормоқда.