"Барселона" ярим ҳимоячиси Фермин Лопес Чемпионлар лигаси чорак финали доирасида Мадриднинг "Атлетико" жамоасига қарши бўлиб ўтадиган жавоб учрашуви ҳақидаги фикрлари билан ўртоқлашди.
Дастлабки баҳсда каталонияликлар ўз майдонларида "матрасчилар"га 0:2 ҳисобида имкониятни бой беришган эди. Сешанба куни Мадридда жавоб ўйини бўлиб ўтади.
"Атлетико" ўз уйида ўйнайди ва иккита гол устунлигига эга, шу сабабли вазиятни ўнглаш қийин бўлади, лекин биз ҳаракат қиламиз. Биз ўз кучимизга ишонамиз", — дея Ферминнинг сўзларини келтирмоқда Barca Universal.
