Франциялик ярим ҳимоячи Адриен Рабио «Милан» жамоаси ва шахсан Рафаэль Леау шаънига билдирилган ҳуштаклар борасида ўз фикрини билдирди. Рабьо мухлислар португалиялик ҳужумчига нисбатан бундай йўл тутмасликлари кераклигини таъкидлаб, аксинча, уни қўллаб-қувватлашни таклиф қилди.
«Мен омманинг норозилигини тушунаман, биз оғриқли мағлубиятни қабул қилиб олдик. Аммо Леаунинг манзилига йўлланган ҳуштаклар менга ёқмаяпти. Менимча, бундай мураккаб вазиятда биз унга ҳуштак чалиш ўрнига ёрдам беришимиз керак. Ҳуштак чалиш эса умуман фойда бермайди», — дея Рабиодан иқтибос келтирмоқда pianetamilan.it нашри.
Эслатиб ўтамиз, Рафаэль Леау 2019 йилдан бери клуб шарафини ҳимоя қилиб келаётган бўлса, Адриен Рабио «Милан» сафига келиб қўшилганига ҳали бир йил ҳам бўлмади.
