"Барселона" бош мураббийи Ханси Флик ҳужумчи Ферран Торреснинг узоқ кутилган голлари ҳақида ўз фикрини билдирди.
Торрес шанба куни бўлиб ўтган ва "кўк-анорранглилар"нинг йирик ғалабаси (4:1) билан якунланган "Эспаньол"га қарши дербида дубль қайд этди. Бу Ферран учун январь ойи охиридан бери урилган илк голлар бўлди — у клуб миқёсида қаторасига 13 та ўйинда рақиб дарвозасини ишғол эта олмаётган эди.
"Албатта, гол уриш Ферран учун жуда муҳим эди. Ҳозирда у ҳақиқатан ҳам яхши ҳолатда — мен буни ҳар куни машғулотларда кўриб турибман. Унинг учун жуда хурсандман. Доим айтганимдек, у голларга муносиб", — дея Фликнинг сўзларини келтирмоқда Barca Universal.
