«Бавария» ҳужумчиси Харри Кейн Германия чемпионатининг 29-тури доирасида «Санкт-Паули» устидан қозонилган ғалаба ҳақида фикр билдирди. Мюнхенликлар 5:0 ҳисобида зафар қучиб, мазкур турнир тарихида бир мавсумда урилган голлар сони бўйича янги рекорд ўрнатишди.
«Бу жамоа тарих яратишда давом этмоқда. Бугун муҳим ғалабага эришдик, мақсадимиз сари яна бир қадам ташладик. Бундеслиганинг бир мавсумида урилган голлар сони бўйича рекордни янгилаш — бутун жамоанинг ажойиб ютуғидир. 105 та гол! Ва бу ҳали ҳаммаси эмас», — деб ёзди инглиз футболчиси ижтимоий тармоқлардаги саҳифасида.
29-турдан сўнг «Бавария» турнир жадвалида Дортмунднинг «Боруссия» жамоасини 8 очкога ортда қолдирмоқда. Кейннинг ўзи бугунги баҳсда майдонга тушмади.
