«Барселона» бош мураббийи Ханс-Дитер Флик «Эспаньол» устидан қозонилган ғалабали дербидаги (4:1) жамоасининг иштироки ҳақида ўз фикрлари билан ўртоқлашди.
«Биз биринчи бўлимни ажойиб ўтказдик ва тўлиқ устунлик қилдик. Танаффусдан кейин эса ўйин биз кутгандек кечмади. Юкламаларни тўғри тақсимлаш учун захирадан ўйинчи тушириш борасидаги режаларимизни ўзгартиришга мажбур бўлдик.
Стандарт вазиятлардан кўп гол ураётганимиз бизни қувонтиради. Албатта, бизнинг жамоа унчалик новча ўйинчилардан ташкил топмаган, аммо футболчилар бўш зоналарни жуда яхши топа олишяпти», — дея Фликнинг сўзларини келтирмоқда Barca Universal.
