«Barselona» bosh murabbiyi Xans-Diter Flik «Espanyol» ustidan qozonilgan g‘alabali derbidagi (4:1) jamoasining ishtiroki haqida o‘z fikrlari bilan o‘rtoqlashdi.
«Biz birinchi bo‘limni ajoyib o‘tkazdik va to‘liq ustunlik qildik. Tanaffusdan keyin esa o‘yin biz kutgandek kechmadi. Yuklamalarni to‘g‘ri taqsimlash uchun zaxiradan o‘yinchi tushirish borasidagi rejalarimizni o‘zgartirishga majbur bo‘ldik.
Standart vaziyatlardan ko‘p gol urayotganimiz bizni quvontiradi. Albatta, bizning jamoa unchalik novcha o‘yinchilardan tashkil topmagan, ammo futbolchilar bo‘sh zonalarni juda yaxshi topa olishyapti», — deya Flikning so‘zlarini keltirmoqda Barca Universal.
