«Атлетико» сўнгги ҳафталардаги ўйинларининг 80 фоизида мағлубиятга учради. Диего Симеоне жамоаси Испания чемпионатининг 31-турида «Севилья»га имкониятни бой берди (1:2).

18 мартдан бошлаб мадридликлар Ла Лига доирасида «Реал» (2:3) ва «Барселона»дан (1:2), шунингдек, Чемпионлар лигасида «Тоттенхэм»дан (2:3) мағлуб бўлишди.

Ушбу давр ичидаги ягона ғалаба — Чемпионлар лигасида «блауграна» устидан қозонилган (2:0). Мадридликлар навбатдаги ўйинни ҳам каталонияликларга қарши ўтказишади — учрашув 14 апрель куни бўлиб ўтади.