«Atletiko» so‘nggi haftalardagi o‘yinlarining 80 foizida mag‘lubiyatga uchradi. Diyego Simeone jamoasi Ispaniya chempionatining 31-turida «Sevilya»ga imkoniyatni boy berdi (1:2).
18 martdan boshlab madridliklar La Liga doirasida «Real» (2:3) va «Barselona»dan (1:2), shuningdek, Chempionlar ligasida «Tottenxem»dan (2:3) mag‘lub bo‘lishdi.
Ushbu davr ichidagi yagona g‘alaba — Chempionlar ligasida «blaugrana» ustidan qozonilgan (2:0). Madridliklar navbatdagi o‘yinni ham kataloniyaliklarga qarshi o‘tkazishadi — uchrashuv 14 aprel kuni bo‘lib o‘tadi.
