Халк ҳужумчи Неймарнинг 2026 йилги Жаҳон чемпионатига бориш эҳтимоли ҳақида фикр билдирди.
«Неймар? Қарор қабул қилиш менга эмас. Агар у бунга лойиқ бўлса, терма жамоа қайдномасидан жой олади», — деди футболчи Premiere эфирида.
Эслатиб ўтамиз, айни дамда Неймар «Сантос» клуби футболчиси ҳисобланади. Бразилия терма жамоаси сафида ҳужумчи 128 та ўйин ўтказиб, 79 та гол уришга муваффақ бўлган.
Жаҳон чемпионатида Карло Анчелотти шогирдлари «C» гуруҳида иштирок этадилар. Бразилия жамоасига Марокаш, Шотландия ва Гаити терма жамоалари рақиблик қилади. Мундиал 11 июндан 19 июлга қадар АҚШ, Канада ва Мексика майдонларида бўлиб ўтади.
