«Барселона» ярим ҳимоячиси Гави «Эспаньол»га қарши кечган принципиал баҳсдаги (4:1) муваффақият ҳақида фикр билдирди. «Кўк-анорранглилар» Ферран Торреснинг дубли, шунингдек, Ламин Ямаль ва Маркус Рэшфорднинг голлари эвазига қўшнилари устидан ғалаба қозонишди.
«Дерби навбатдаги бор бизники бўлди. Энди сешанба кунги «камбэк»ка тайёргарлик кўрамиз — бор кучимизни ишга соламиз, бунга шубҳа йўқ», — деб ёзди Гави ижтимоий тармоқлардаги саҳифасида.
«Барселона» Ла Лига турнир жадвалида Мадриднинг «Реал» клуби билан орадаги фарқни 9 очкогача етказди. Мавсум якунига қадар атиги еттита тур қолди.
Эслатиб ўтамиз, 14 апрель куни Чемпионлар лигаси 1/4 финали доирасида «Барса» ва «Атлетико» ўртасида жавоб учрашуви бўлиб ўтади. Биринчи ўйинда Ханс-Дитер Флик жамоаси ўз уйида имкониятни бой берган эди (0:2).
