«Челси» ҳужумчиси Жоао Педро клуб таркибидаги жорий мавсум ҳақида фикр билдирди. У айни дамда 14 та гол билан Премьер-лига тўпурарлари рўйхатида тўртинчи ўринни эгаллаб турибди ва энг яхши ассистентлар ўнталигига кирган.
«Мен жуда бахтлиман. Менимча, бу ҳаётимдаги энг яхши мавсумлардан бири. Мендан кутиладиган натижалар юқори эди, шунинг учун жамоадошларимга ёрдам бериш учун доимо ижобий кайфиятни сақлашга ҳаракат қиламан. Агар бирор ўйинда гол ура олмасам, Рис Жеймс ва бошқа шерикларим ёнимга келиб: «Жоао, кейинги ўйинда гол уришинг керак!» дейишади. Мен кўрсаткичларимни максимал даражада юқори сақлашга ҳаракат қиламан.
Бу ерга келганимда совринлар ютишни ва «Челси» учун бор кучимни беришни хоҳлагандим. Ёшлигимда Премьер-лигани томоша қилардим ва Англияда мана шундай ўйинчилардан бири бўлиш, катта клубда ўйнаш менинг орзуим эди. Ҳозир менинг вақтим келди ва мен ундан завқланишим керак. «Челси»да ҳамма нарса мутлақо бошқача: атрофимда юқори савияли ўйинчилар жуда кўп ва бу менинг ишимни осонлаштиради. Мен тўп билан муомала қилишдан завқ олишга ва Бразилияда ўрганган маҳоратларимни ўйинимда қўллашга ҳаракат қиламан.
Менга Лиам Росеньор билан ишлаш жуда ёқади, чунки у менга қўлимдан яхши келадиган ишларни қилиш учун эркинлик беради», — дея Педронинг сўзларини келтирмоқда клуб расмий сайти.
Жоао Педро 2025 йил июль ойи бошида «Брайтон»дан «Челси»га ўтган эди. Бразилиялик футболчи лондонликлар билан 2033 йилгача мўлжалланган шартнома имзолаган.
