Испания чемпионатининг 31-тури доирасида «Севилья»га қарши ўйинда (1:2) захира таркибини майдонга туширган Мадриднинг «Атлетико» клуби Диего Симеоне давридаги янги рекордни ўрнатди. Бу ҳақда OptaJose статистик компанияси хабар бермоқда.
Манба берган маълумотларга кўра, мадридликлар бошланғич таркибининг ўртача ёши 23 ёш-у 289 кунни ташкил этди. Бу жамоанинг ҳозирги бош мураббий қўл остида Ла Лига доирасидаги ўйинларда майдонга тушган энг ёш таркиби сифатида тарихга кирди. Симеоне жамоани 2011 йилдан бери бошқариб келмоқда.
Ушбу ўйиндан сўнг жамоа 57 очко билан турнир жадвалида тўртинчи ўринни эгаллаб турибди. 14 апрель куни «Атлетико» ўз майдонида Чемпионлар лигаси чорак финалининг жавоб учрашуви доирасида «Барселона»ни қабул қилади. Дастлабки баҳс Мадрид клубининг 2:0 ҳисобидаги ғалабаси билан якунланган эди.
