«Манчестер Сити» бош мураббийи Хосеп Гвардиола нима сабабдан унинг жамоаси баҳор ойларида юқори сифатли ўйин намойиш этиши ҳақидаги саволга жавоб берди. Бугун, 12 апрель куни «шаҳарликлар» АПЛ 32-тури доирасида «Челси» билан куч синашади.
«Ўйлашимча, бунга қаттиқ келган қиш сабабчи. Қуёш қайтиб, баҳор келганида руҳиятимиз кўтарилади ва ўзимизни яхшироқ ҳис қиламиз. Шунинг учун ҳам жамоа ўйинларда ғалаба қозонмоқда. Бу мавсумда нега унчалик яхши эмаслигимизнинг сабаби ҳам шу — об-ҳаво ёмон...» — деди Гвардиола матбуот анжуманида.
Англия чемпионатининг 30 та ўйинидан сўнг «Манчестер Сити» 61 очко жамғариб, иккинчи ўринда бормоқда. Улар пешқадам «Арсенал»дан тўққиз очко орқада, бироқ «шаҳарликлар»да захирада иккита ўйин мавжуд.
