Италиялик мутахассис Карло Анчелотти кўп йиллар давомида турли клублардаги хизматидан сўнг, ўзини терма жамоа даражасида синаб кўришга қарор қилди. У Бразилия футбол федерациясининг таклифини қабул қилди ва дунёдаги энг нуфузли миллий жамоалардан бирини бошқаришга киришди. Карло терма жамоадаги ишнинг муҳим фарқини алоҳида қайд этди.
«Бу ерда барча ўйинчилар бир миллат ва бир маданият вакилларидир, улар ўртасида клуб футболчиларига қараганда умумийлик анча кўп. Бу уларни янада жипслаштиради ва бир-бирларини яхшироқ тушунишларига ёрдам беради», — дея Анчелоттининг сўзларини келтирмоқда derbyderbyderby.it.
Эслатиб ўтамиз, италиялик мураббийнинг бундан олдинги иш жойи Мадриднинг «Реал» клуби эди.
