«Комо» бош мураббийи Сеск Фабрегас Миланнинг «Интер» клубига қарши кечган муваффақиятсиз ўйин (3:4) ҳақида ўз фикрларини билдирди.

Майдон эгалари 45-дақиқага келиб 2:0 ҳисобида олдинда бораётган эдилар, бироқ 72-дақиқага келиб таблода «нерадзуррилар» фойдасига 2:4 ҳисоби акс этди. Ўйин сўнгида Фабрегас жамоаси битта тўп фарқини қисқартиришга муваффақ бўлди, аммо мағлубиятдан қутилиб қола олмади.

«Менинг жамоам навбатдаги бор жасорат ва қатъият кўрсатди. Футболчилар ҳатто бой берилган ўйинда ҳам характер намойиш этишди. Албатта, хатолар бўлди, лекин бизнинг таркиб ёш ва бизга ҳар қандай хато учун жазолайдиган рақиб қаршилик кўрсатди. Бугун тактика ҳақида гапиришни истамайман. «Интер» дарвозасига 20 та зарба бериш ҳаммага ҳам насиб этавермайди — бу статистик факт кўп нарсадан далолат беради. Агар икки йил олдин кимдир менга ушбу жамоа билан тенгма-тенг курашишимизни айтганида, гап ўртоқлик учрашуви ҳақида кетяпти деб ўйлаган бўлардим», — деди испаниялик мутахассис DAZNга берган интервьюсида.

32 турдан сўнг «Комо» А Серия турнир жадвалида бешинчи, «Интер» эса биринчи ўринни эгаллаб турибди.