Чоршанба куни Мадриднинг «Реал» клуби Чемпионлар лигаси 1/4 финали доирасида «Бавария»га қарши жавоб учрашувини ўтказади.
«Қаймоқранглилар»га Мюнхенда фақат ғалаба керак — ўтган ҳафта улар ўз майдонларида 1:2 ҳисобида имкониятни бой беришган эди. Diario AS нашрининг таъкидлашича, муҳим баҳс олдидан «Реал»да Эдуардо Камавинганинг имкониятларига шубҳа билан қарала бошланди: ярим ҳимоячининг «Жирона»га қарши яқин орада бўлиб ўтган ўйиндаги ҳаракатлари мураббийлар штабида ижобий таассурот қолдирмаган. Шу сабабли, Орельен Тчуамени дисквалификация туфайли ўйинни ўтказиб юборишига қарамай, Камавинга асосий таркибдаги жойидан маҳрум бўлиши мумкин.
«Бавария» — «Реал» учрашуви Тошкент вақти билан соат 00:00 да бошланади. Ушбу жуфтлик ғолиби ярим финалда «ПСЖ» ёки «Ливерпуль» жамоаларидан бири билан куч синашади.
