Англия терма жамоасининг собиқ футболчиси Питер Крауч 2026 йилда «Олтин тўп» совринини қўлга киритишга лойиқ бўлган футболчи номини айтди.
Tribal Football нашрининг хабар беришича, инглиз собиқ ҳужумчиси ўз ватандоши Гарри Кейнни ушбу нуфузли мукофотга асосий даъвогар деб ҳисоблайди. Краучнинг фикрича, Мюнхеннинг «Бавария» клуби ҳужумчиси ўзининг ақл бовар қилмас сермаҳсуллиги туфайли «Олтин тўп»ни олишга лойиқ.
«Кейн 40 та ўйинда 49 та гол урди. Бу шунчаки ҳайратланарли. Германия чемпионати у қадар кучли эмас дейиш мумкин, аммо мен «Бавария» Мадридда «Реал»ни қандай тор-мор этганини ўз кўзим билан кўрдим», — деди Крауч.
Эслатиб ўтамиз, 2025 йилда «Олтин тўп» соҳиби «ПСЖ»нинг французлик вингери Усмон Дембеле бўлган эди.
