«Манчестер Юнайтед» ярим ҳимоячиси Каземиро клубни тарк этганидан кейин ҳам уни кузатишда давом этишини маълум қилди.

Бразилиялик футболчи келаётган ёзда «қизил иблислар» сафини тарк этади — унинг муддати тугаётган шартномаси узайтирилмаслиги ҳақида ҳали январь ойидаёқ маълум бўлган эди.

«Албатта, мен доим «Манчестер Юнайтед» ўйинларини томоша қиламан ва клубни кузатишда давом этаман. Аввал ҳам айтганимдек, мен кетган кундан бошлаб «МЮ»нинг яна бир қўшимча мухлиси пайдо бўлади», — дея инглиз ОАВлари 34 ёшли хавбекнинг сўзларидан иқтибос келтирмоқда.

Каземиро 2022 йилнинг августидан бери манкунианликлар шарафини ҳимоя қилиб келмоқда. Футболчи Манчестер жамоаси сафида жами 155 та ўйин ўтказиб, 24 та гол ва 14 та голли узатмага муаллифлик қилган.