Италиянинг «Ювентус» клуби Германиянинг «РБ Лейпциг» жамоаси ҳужумчиси Луи Опендани сотиб олиш пунктини фаоллаштирди. Бу ҳақда инсайдер Фабрицио Романо ўзининг ижтимоий тармоқларида хабар бермоқда.

Манбанинг маълумотларига кўра, немис клуби билан тузилган келишувнинг умумий қиймати 46 миллион еврони ташкил этади. Ушбу суммага ижара ҳақи, доимий трансфер ва футболчининг маоши киритилган.

Ижара шартномасига кўра, агар «Ювентус» чемпионатни ўнинчи ўриндан паст бўлмаган поғонада якунласа, Опендани сотиб олиш мажбурий этиб белгиланган эди. Турнир ҳали якунига етмаган бўлса-да, жамоанинг бундан пастроққа тушиб кетмаслиги аллақачон аниқ бўлиб улгурган. «Ювентус» бельгиялик юлдузни ўз сафида олиб қолмоқчи эмас ва ҳужумчини ёзги трансфер ойнасида сотиб юборишни режалаштирмоқда.

Жорий мавсумда Опенда клуб миқёсидаги барча мусобақаларда жами 31 та ўйинда майдонга тушди ва бор-йўғи 2 та гол урди.