Italiyaning «Yuventus» klubi Germaniyaning «RB Leypsig» jamoasi hujumchisi Lui Opendani sotib olish punktini faollashtirdi. Bu haqda insayder Fabrisio Romano o‘zining ijtimoiy tarmoqlarida xabar bermoqda.
Manbaning ma’lumotlariga ko‘ra, nemis klubi bilan tuzilgan kelishuvning umumiy qiymati 46 million yevroni tashkil etadi. Ushbu summaga ijara haqi, doimiy transfer va futbolchining maoshi kiritilgan.
Ijara shartnomasiga ko‘ra, agar «Yuventus» chempionatni o‘ninchi o‘rindan past bo‘lmagan pog‘onada yakunlasa, Opendani sotib olish majburiy etib belgilangan edi. Turnir hali yakuniga yetmagan bo‘lsa-da, jamoaning bundan pastroqqa tushib ketmasligi allaqachon aniq bo‘lib ulgurgan. «Yuventus» belgiyalik yulduzni o‘z safida olib qolmoqchi emas va hujumchini yozgi transfer oynasida sotib yuborishni rejalashtirmoqda.
Joriy mavsumda Openda klub miqyosidagi barcha musobaqalarda jami 31 ta o‘yinda maydonga tushdi va bor-yo‘g‘i 2 ta gol urdi.
