«Пари Сен-Жермен» клубида ўйинчилар учун янги бонус тизими жорий этилди, дея хабар бермоқда L’Équipe. Энди голли узатмадан олдинги муҳим узатмани амалга оширган футболчилар маошига қўшимча молиявий мукофот олади.
Манбага кўра, ушбу тизим жамоа бош мураббийи Луис Энрикенинг тактик ёндашувларини яхшироқ тушунишга ёрдам беради.
Шунингдек, бир ўйинчи бир эпизоднинг ўзида ҳам гол уриб, ҳам голли узатмадан олдинги узатма муаллифига айланиши мумкин бўлган ҳолатлар алоҳида қизиқиш уйғотиши таъкидланган. Бунга мисол сифатида Европа Чемпионлар лигаси чорак финалининг «Ливерпуль»га қарши 8 апрель куни бўлиб ўтган (2:0) ўйини келтирилган.
Ушбу баҳсда ҳужумчи Хвича Кварацхелия ярим ҳимоячи Жоау Невеш иштирок этган узун комбинациядан сўнг гол урган. Шу тариқа, грузиялик форвард амалда ўша эпизодда голли узатмадан олдинги узатма муаллифи сифатида ҳам қайд этилган.













