«Pari Sen-Jermen» klubida o‘yinchilar uchun yangi bonus tizimi joriy etildi, deya xabar bermoqda L’Équipe. Endi golli uzatmadan oldingi muhim uzatmani amalga oshirgan futbolchilar maoshiga qo‘shimcha moliyaviy mukofot oladi.
Manbaga ko‘ra, ushbu tizim jamoa bosh murabbiyi Luis Enrikening taktik yondashuvlarini yaxshiroq tushunishga yordam beradi.
Shuningdek, bir o‘yinchi bir epizodning o‘zida ham gol urib, ham golli uzatmadan oldingi uzatma muallifiga aylanishi mumkin bo‘lgan holatlar alohida qiziqish uyg‘otishi ta’kidlangan. Bunga misol sifatida Yevropa Chempionlar ligasi chorak finalining «Liverpul»ga qarshi 8 aprel kuni bo‘lib o‘tgan (2:0) o‘yini keltirilgan.
Ushbu bahsda hujumchi Xvicha Kvarasxeliya yarim himoyachi Joau Nevesh ishtirok etgan uzun kombinasiyadan so‘ng gol urgan. Shu tariqa, gruziyalik forvard amalda o‘sha epizodda golli uzatmadan oldingi uzatma muallifi sifatida ham qayd etilgan.













