Эроннинг «Трактор» клуби Яқин Шарқдаги кескин вазият фонида Саудия Арабистонига етиб келди ва 13 апрель куни ОЧЛ 1/8 финали доирасида «Шабаб Ал-Аҳли» жамоасига қарши майдонга тушишини тасдиқлади, деб хабар бермоқда AP.

«Трактор» жамоаси узоқ давом этган сафардан сўнг, 12 апрель куни Жидда шаҳрига етиб борди: клуб аъзолари аввал Эрон шимоли-ғарбидаги Табриздан Туркиягача ер усти транспортида, сўнгра Истанбулдан самолётда парвоз қилишган.

«Ушбу ўйин олдидан ҳолатимиз анча мураккаб, «Шабаб»га қарши кечадиган 90 дақиқа биз учун оғир кечади», — деди «Трактор» бош мураббийи Муҳаммад Рабии матбуот анжуманида.

Эрон чемпионати тўхтатиб қўйилгани сабабли, жамоа 28 февралдан бери расмий учрашувларда майдонга тушмаган.

«Бизда бўлажак ўйинларда ғалаба қозониш ва Осиё финалига чиқиш борасида катта амбициялар бор. Эртанги баҳсдан бошлаб, яқин вақт ичида дуч келган жиддий қийинчиликларга қарамай, ҳамма бизнинг юқори даражамизни кўради», — дея қўшимча қилди мураббий.

«Шабаб Ал-Аҳли» ва «Трактор» ўртасидаги баҳс 14 апрель куни Тошкент вақти билан соат 19:45 да бошланиши режалаштирилган.