Германиянинг «Хоффенхайм» клуби ўз ҳужумчиси Базумана Турени «Ливерпуль»га сотишга тайёрлигини билдирди. Бу ҳақда Sky Sport Germany нашри клуб спорт директори Андреас Шикерга таянган ҳолда хабар бермоқда.
Ҳозирча аниқ трансфер суммаси очиқланмаган бўлса-да, «Хоффенхайм» фақатгина клуб тарихидаги рекорд даражадаги катта маблағ эвазига ушбу келишувга рози бўлиши маълум. Клубнинг айни дамдаги энг қиммат сотуви 2019 йилда амалга оширилган бўлиб, ўшанда Жоэлинтон 43,5 миллион евро эвазига «Ньюкасл»га йўл олган эди.
20 ёшли Туре Бундеслиганинг 25 та учрашувида 3 та гол урди ва 11 та голли узатмани амалга оширди. Унинг амалдаги шартномаси 2029 йилгача мўлжалланган ва унда белгиланган товон пули мавжуд эмас.
