Лондоннинг «Тоттенхэм» клуби бош мураббийи Роберто Де Дзерби жамоада Премьер-лигани тарк этиш қўрқуви бор-йўқлиги ҳақидаги саволга жавоб берди.

«Тушиб кетиш қўрқуви? Ҳа, бу муаммо. Ҳозирда бизнинг асосий мақсадимиз — битта ғалабага эришиш, шунда вазият ўзгаради», — дея Де Дзербининг сўзларини келтирмоқда журналист Фабрицио Романо.

Эслатиб ўтамиз, Де Дзерби «Тоттенхэм»ни март ойи охирида қўлга олган ва клуб билан узоқ муддатли шартнома имзолаган эди. Англия чемпионатининг 32-турида «шпорлар» «Сандерленд»га 0:1 ҳисобида мағлуб бўлишди ва хавфли ҳудудда қолишди.

Айни дамда жамоа ҳисобида 30 очко бор. Нажоткор 17-ўриндан эса «Тоттенхэм»ни икки очко ажратиб турибди. Жамоанинг бугунги ҳолати ҳақиқатан ҳам жуда хавотирли.