Londonning «Tottenxem» klubi bosh murabbiyi Roberto De Dzerbi jamoada Premyer-ligani tark etish qo‘rquvi bor-yo‘qligi haqidagi savolga javob berdi.

«Tushib ketish qo‘rquvi? Ha, bu muammo. Hozirda bizning asosiy maqsadimiz — bitta g‘alabaga erishish, shunda vaziyat o‘zgaradi», — deya De Dzerbining so‘zlarini keltirmoqda jurnalist Fabrisio Romano.

Eslatib o‘tamiz, De Dzerbi «Tottenxem»ni mart oyi oxirida qo‘lga olgan va klub bilan uzoq muddatli shartnoma imzolagan edi. Angliya chempionatining 32-turida «shporlar» «Sanderlend»ga 0:1 hisobida mag‘lub bo‘lishdi va xavfli hududda qolishdi.

Ayni damda jamoa hisobida 30 ochko bor. Najotkor 17-o‘rindan esa «Tottenxem»ni ikki ochko ajratib turibdi. Jamoaning bugungi holati haqiqatan ham juda xavotirli.