«Ливерпуль» клуби мавсум якунида жамоани тарк этадиган Эндрю Робертсонга ўринбосар сифатида Германия терма жамоаси ва «РБ Лейпциг» ҳимоячиси Давид Раум номзодини кўриб чиқмоқда. Бу ҳақда TEAMtalk нашри хабар бермоқда.
Мерсисайдликлар «буқалар» аъзосини нафақат Робертсоннинг ўрнига, балки Милош Керкез билан рақобатлаша оладиган футболчи сифатида ҳам кўришмоқда.
Манбанинг хабарига кўра, Раум трансфери учун «Ливерпуль» билан «Манчестер Юнайтед» ҳам кураш олиб бориши мумкин. «РБ Лейпциг» эса 27 ёшли ҳимоячини ўз сафида сақлаб қолишга ҳаракат қилмоқда.
Жорий мавсумда Раум барча турнирларда 32 та ўйинда майдонга тушиб, 3 та гол урди ва 8 та голли узатмани амалга оширди. Футболчининг клуб билан амалдаги шартномаси 2027 йилнинг ёзигача мўлжалланган. Transfermarkt портали маълумотларига кўра, унинг бозор қиймати 22 миллион еврони ташкил этади.
