«Бавария» бош мураббийи Венсан Компани Чемпионлар Лигаси доирасида «Реал»га қарши кечадиган жавоб учрашуви ҳақида ўз фикрларини билдирди.

«Биз «Реал»га катта ҳурмат билан ёндашамиз. Биринчи ўйиндан кейинги ҳиссиётларимиз ўзгаргани йўқ. Биз «Реал»нинг энг яхши талқинига — худди «Манчестер Сити»га қарши ўйинларда кўрганимиздек ҳолатига тайёргарлик кўряпмиз. «Реал»нинг сўнгги натижалари уларда мавжуд бўлган иқтидор даражасини тўлиқ акс эттирмайди.

«Реал» ҳамон Европанинг энг кучли жамоалари қаторига киради. Кўплаб клубларнинг ақл бовар қилмас тарихи бор. Биз ўз уйимизда «Интер»га ютқазиб қўйганимизда, Миланга кейинги босқичга чиқишимизга ишонган ҳолда йўл олгандик. Менимча, ҳозир «Реал» ҳам худди шуни ҳис қилмоқда. Аммо биз уларга қандай муаммо туғдиришни биламиз. Ғалаба қозонишимизга ишонаман», — деди Компани журналистларга.

«Бавария» ва «Реал» ўртасидаги баҳс чоршанба куни, 15 апрель санасида бўлиб ўтади.