«Реал» ва Англия терма жамоаси ярим ҳимоячиси Жуд Беллингем Харри Кейннинг «Олтин тўп»ни қўлга киритиш имкониятлари ҳақидаги саволга жавоб берди.
«Ҳамма нарса доим жамоанинг муваффақиятларига боғлиқ бўлади. Харри — ажойиб ўйинчи. «Дортмунд»да тўп сурадиган укам [Жоб] учун афсуски, «Бавария» Бундеслигада ғолиб чиқади.
Умид қиламизки, эртага Чемпионлар Лигасида биз уларни тўхтата оламиз. Аммо Харри ҳужумчи сифатида ҳайратланарли даражага чиқди. Эртага уни жиловлай олишдан умидвормиз», — деди Беллингем Чемпионлар Лигаси 1/4 финали доирасида «Бавария»га қарши жавоб ўйини олдидан ўтказилган матбуот анжуманида.
